HomePoetryاے  وطن ہر  دم رہے  پائندہ و  تابندہ تو۔۔۔


اے  وطن ہر  دم رہے  پائندہ و  تابندہ تو۔۔۔

ارضِ پاکستان  تیرا  کوچہ  کوچہ  پاک  ہو
ہر   اِرادہ   دشمنوں  کا  عزم زیرِ خاک   ہو

بالیقیں تو  ہے ثمر  لاکھوں شہیدوں  کاحسیں
کیوں  نہ میری  آنکھ  ان  کے  واسطے  نمناک ہو                                     
گوشے گوشے  میں  جہاں  کے  نام ہو روشن ترا
دشمنوں  کے   درمیاں   اونچی  ہماری  ناک  ہو                                 
سینچتے ہیں اپنے خوں سے جو وطن کے باغ کو
روزِ   محشر   ان   کا   استقبال    پُر   تپاک   ہو

اے   وطن   ہر   دم   رہے  پائندہ  و  تابندہ تو
دل   عدو  کا   ہر گھڑی   ناشاد  ہو   نمناک  ہو

 اے   میری   افواجِ   پاکستان   تیری   خیر   ہو
 تیری  ہمت  اور  شجاعت  دشمنوں  پہ دھاک ہو

عزمِ  عالی  شان  کی  تکمیل  کا  جو  خواب  ہے
کاش   میری   قوم   کو  اس  بات  کا  ادراک  ہو

محفلِ حسن و طرب سجتی ہے جس کے محل میں
کیوں    امیرِ    شہر    ایسا    مائلِ   فتراک   ہو

کیا نہیں ہے اس زمیں کی کوکھ میں تاباں حزیں
کوئی   تو   ذہنِ   رسا   جو   مائلِ افلاک   ہو
کلام :محمود حسن تاباں

RELATED ARTICLES
- Advertisment -