HomePoetryہنرمندوں کو اس دنیا نے اکثر بےہنر  جانا۔۔۔


ہنرمندوں کو اس دنیا نے اکثر بےہنر  جانا۔۔۔

سنو اےچاند تم جب بھی کبھی سورج کےگھرجانا
نصیحت   ہے،  بہت  عزت  سے  جانا،  اور  نڈر جانا

یہی   دنیا   کی  محرومی  رہی  ہے  روزِ  اوَّل   سے
ہنرمندوں   کو   اس   دنیا    نے   اکثر     بےہنر  جانا

ہمیں وہ دن ابھی  تک  یاد ہیں  تہذیب  کی  مورت
تمہارا     بام    پر     چڑھنا    نظر        آنا   اتر   جانا

نوازا  جارہا   ہے اس  کو   اردو داں  کی  ڈگری  سے
کہ جس نے نثر جیسے لفظ  تک کو بھی  نصر  جانا

اسے  پھل پھولتے دیکھا زمانے بھر کی آنکھوں  نے
کہ  جس نے سختیٔ والد   کو  شفقت  کا ثمر جانا

بہن کی رخصتی جس پل سےکی ہے کیا بتائیں  ہم 
بہت  دشوار  ہوتا  ہے  ہمیں     گھر   لوٹ   کر  جانا

تمہارا  کوئی   بھی   دنیا  میں   دیوانہ  نہیں  طاہر
تمہیں   آتا   نہیں   شاید  کسی   دل  میں  اتر  جانا

کلام :طاہرسعودکرتپوری

RELATED ARTICLES
- Advertisment -