HomePoetryیعنی  نبیؐ  کا  عکس ہی سارا ہو تم حسینؓ۔۔۔


یعنی  نبیؐ  کا  عکس ہی سارا ہو تم حسینؓ۔۔۔

ایمان کا ایقان کا دھارا ہو  تم  حسینؓ
دینِ   محمدیؐ   کا   ستارہ   ہو  تم  حسینؓ

نانا  ہیں  محمدؐ  تو   پدر  ہیں  علی  حیدرؓ
زہراؓ  کا  چین  آنکھ  کا  تارا  ہو تم  حسینؓ

گردن  کٹا  دی  آنچ   نہ  آنے  دی  دین  پر
حق ہے کہ دینِ حق کا سہارا  ہو تم حسینؓ

تصویرِ بے مثال  ہو صدق  و  صفا  کی تم
یعنی  نبیؐ  کا  عکس ہی سارا ہو تم حسینؓ

بےشک  ہے  تاجِ  مِنیت  زیبا  تمہیں  شبیرؓ
عرفانِ  مصطفیٰؐ  کا  منارہ  ہو  تم  حسینؓ

طوفاں کا کوئی خوف نہ موجوں کا کوئی ڈر
جب میرے سفینے کا کنارہ ہو تم حسینؓ

میدان   کربلا    میں   72   گلاب   نے
ہو کر نثار جس کو سنوارا  ہو تم حسینؓ

ہرگز یزید وقت کی بیعت نہ کروں گا
میری رگوں میں دوڑتا پارہ ہو تم حسینؓ

تاباں پہ بھی کرم کی نظر یا حسینؓ ہو
میری  عقیدتوں  کا  ادارہ  ہو  تم  حسینؓ

کلام :محمود حسن تاباں

RELATED ARTICLES
- Advertisment -